LAERSKOOL VOLSCHENK

Uit die kantoor.

Welkom by die webtuiste van Laerskool Volschenk, ook bekend as “Die Vollies”.

 

Laerskool Volschenk is ‘n enkelmedium skool wat in 1942 gestig is. Die skool is geleë aan die voet van die Slapende Skoonheid, die baie bekende landmerk wat troon in die berge Noord van Riversdal.

 

Laerskool Volschenk bied onderrig aan leerders vanaf graad 1 tot 7. Elke graad bestaan uit twee klasse. Die skool is bevoorreg om goed opgeleide, positiewe en hardwerkende onderwysers te hê. Onder die leiding van dié uitnemende personeel is Laerskool Volschenk een van die toonaangewende laerskole wat akademie, sport en kultuur aanbetref in die Suid-Kaap.

 

Die gebruik van die internet en interaktiewe witborde maak deel uit van elke klas vanaf graad 1 tot 7. Leerders kry ook weeklikse onderrig in die gebruik van die rekenaar met die leer en vaslegging van vakinhoud. Laerskool Volschenk is een van die min skole in die Wes-Kaap wat oor ‘n Rekenaarklub beskik waar leerders na skool gevorderde rekenaarklasse kan bywoon.

 

Leerders word ook blootgestel aan ‘n groot verskeidenheid sport-en-kultuuraktiwiteite. Sporttoere vanaf ouderdom 0/9-0/13 word jaarliks onderneem.

 

In Volieland streef ons elke dag daarna om elke kind spesiaal te laat voel en konsentreer ons op leerders se sterkpunte om te verseker dat elke kind sy/haar potensiaal kan bereik.

 

Geniet die reis deur ons webtuiste en kontak ons gerus indien u enige vrae het.

 

Volliegroete

 

Louis Lategan

Skoolhoof